Çdo biznes në Kosovë që është i regjistruar për TVSH ka detyrimin të mbajë Librin e Blerjeve dhe Librin e Shitjeve sipas formatit të kërkuar nga ATK (Agjencia Tatimore e Kosovës). Tradicionalisht, kjo bëhet manualisht ose nga kontabilisti — me risk gabimi dhe kohë të humbur.

InLinePOS e automatizon të gjithë këtë proces.

Çfarë janë librat kontabël ATK?

Libri i Blerjeve regjistron të gjitha faturat që biznesi ka marrë nga furnitorët — me detajet e TVSH-së sipas normës (18% ose 8%), ndarjen mes blerjeve vendore dhe importeve, dhe totalin e TVSH-së së zbritshme.

Libri i Shitjeve regjistron të gjitha shitjet e realizuara — me ndarjen sipas normës tatimore, TVSH-në e mbledhur dhe totalin e shitjeve.

Të dy librat dorëzohen çdo muaj tek ATK si pjesë e deklaratës periodike të TVSH-së.

Si funksionon në InLinePOS

Hapi 1: Konfiguro të dhënat tatimore

Nga Cilësimet e Restorantit, vendos:

Nr. Fiskal i biznesit
Nr. TVSH (nëse jeni i regjistruar)
Norma e TVSH-së (18% ose 8% sipas aktivitetit)

Këto të dhëna shfaqen automatikisht në header-in e çdo libri të eksportuar.

Hapi 2: Shto faturat e blerjeve

Çdo herë që merr një faturë nga furnitori, e regjistron në seksionin Faturat (Blerjet):

Emri i furnitorit
Nr. i faturës
Data
Artikujt me çmimet dhe normën e TVSH-së (18% / 8% / pa TVSH)

InLinePOS llogarit automatikisht bazën tatimore dhe TVSH-në për çdo artikull.

Hapi 3: Shitjet regjistrohen vetë

Çdo porosi e paguar regjistrohet automatikisht si shitje. Nuk nevojitet asnjë veprim manual — sistemi i mban të gjitha me datën, totalin dhe TVSH-në e llogaritur.

Hapi 4: Eksporto librat

Nga faqja Kontabilitet, zgjidhni muajin dhe klikoni eksport:

Libri i Blerjeve me TVSH — format i plotë ATK me 17 kolona
Libri i Blerjeve pa TVSH — format i thjeshtuar
Libri i Shitjeve me TVSH — format i plotë ATK me 14 kolona
Libri i Shitjeve pa TVSH — format i thjeshtuar

Çdo eksport gjeneron një skedar Excel (.xlsx) gati për dorëzim ose për kontabilistin tuaj.

Çfarë përmban çdo libër

Libri i Blerjeve (me TVSH)

Çdo rresht = një faturë blerje. Kolonat kryesore:

Nr. rendor, data, emri i shitësit
Vlera pa TVSH, vlera tatueshme vendore 18% / 8%
TVSH vendore 18% / 8%
Vlera tatueshme importe (0 për blerjet vendore)
Nr. i faturës për referencë

Rreshti i fundit = TOTALI i gjitha kolonave numerike.

Libri i Shitjeve (me TVSH)

Çdo rresht = një porosi e paguar. Kolonat kryesore:

Nr. rendor, data, emri i blerësit (“Shitje me pakicë” për shitje direkte)
Vlera tatueshme 18% / 8%
TVSH e mbledhur 18% / 8%
Shitjet e përjashtuara (normë 0%)
Totali i shitjeve

Header i librave

Çdo skedar Excel fillon me:

Emri i organizatës
Nr. Fiskal dhe Nr. TVSH
Viti dhe muaji i raportit

Përfitimet praktike

Pa gabime llogaritjeje — sistemi llogarit automatikisht bazën tatimore, TVSH-në dhe totalet. Gabimi njerëzor eliminohet.

Kursim kohe — gjenero librat e muajit brenda 30 sekondave, jo orë pune manuale.

Konfirmitet me ATK — formati i kolonave dhe llogaritjet janë ndërtuar sipas udhëzimeve të ATK-së për deklaratën periodike të TVSH-së.

Histori e plotë — të gjitha muajt e kaluar janë të ruajtura. Mund të rigjenerosh librin e çdo muaji kur të duash.

Kush e ka nevojë?

Çdo restorant ose bar i regjistruar për TVSH në Kosovë. Nëse paguani TVSH çdo muaj, InLinePOS e kthen atë proces nga 2-3 orë punë manuale në 30 sekonda eksport automatik.

Kontabilisti juaj merr skedarin Excel gati — ju kurseni kohë dhe shmangni gjobat nga gabimet.

Veçoria e Kontabilitetit ATK është e përfshirë në të gjitha paketat e InLinePOS. Provoje falas për 7 ditë — regjistrohu këtu.

Librat Kontabël për ATK: Si i Gjeneron InLinePOS Automatikisht